[东方报]歐國聯：葡軍挑戰鬥牛狂鋒 雙牙爭霸大駁火[06-08]

歐國聯決賽上演「伊比利亞半島打吡戰」，葡萄牙在慕尼黑中立場火併西班牙。兩隊同樣崇尚進攻，葡萄牙隊長C朗拿度一把年紀仲係咁搶韁，近兩場都有「士哥」，「鬥牛兵團」更係攻力大爆發，近4場全開4球或以上，包括上場淘汰法國開出5比4嘅極誇張比數，今場首選3.5球入球大。（周一凌晨3時開賽）

葡萄牙係2019年冠軍，西班牙係2023年盟主，今場勝方將成為歐國聯唯一兩奪冠軍球隊；「雙牙」對上一次喺頂級大賽碰頭，已經係2018年世盃決賽周，雙方踢成3比3平手，C朗個人連中三元，今次再碰頭，兩隊隨時又駁火。

葡萄牙上場火併東道主德國，在先落後情況下反勝2比1，25年來首次擊敗德國，法蘭斯高干斯卡奧追和，複製父親當年對德國攻入「世界波」，然後再由C朗攻入致勝球，延續不老傳奇，佢哋再對上一圈嘅8強次回合鬥到加時，葡萄牙更以5比2大勝丹麥，火力全開，相信今場決賽將繼續以攻代守，入波唔會少。

捧埋西班牙「冠軍」
另邊廂，西班牙去年歐國盃奪冠，重返巔峰，雖然後防唔太穩陣，但近期經常以強大攻力壓制對手，包括3比2贏瑞士，8強兩回合連加時同荷蘭踢成5比5，憑互射12碼險勝晉級，上場激鬥法國一度領先5比1，但後防稍為鬆懈連番失守，最終險勝5比4，可見「鬥牛兵團」近仗入得又失得，今場火併葡萄牙勝負難料，但成班狂鋒着晒火，入球絕對唔會少。

有興趣玩「冠軍」嘅朋友，西班牙上場擊敗法國，展現無敵氣勢，葡萄牙未必頂得住，相信最終封王嘅會係西班牙，1.52倍熱得有道理。