[东方报]歐霸：維拉撻唔着博半場和[09-25]

歐霸盃重頭戲，阿士東維拉主場迎戰博洛尼亞；維拉鋒線啞火，導致今季各項賽事6戰未嘗1勝，僅入2球，陷入信心危機。至於博洛尼亞近2場作客都食白果，估計亦無力發圍，應該會主守，但求有分落袋已收貨。睇番博洛尼亞近4仗上半場都打和，不妨博半場和。（Now 643周五凌晨3時直播）

由於維拉出現財困，未能買斷上季兩位出色借將拉舒福特、馬高阿辛斯奧之餘，更將進攻中場積及藍斯賣畀紐卡素。屋漏偏逢連夜雨，射手奧尼屈堅斯可能受今夏轉會傳聞影響，發揮大不如前，6次上陣都冇波入。維拉攻力大受影響，開季首4場英超竟然「零入球」，直至英聯盃對賓福特，先至取得「零的突破」，但仍被淘汰出局，上場英超遇上新升班球隊新特蘭，亦僅打和1比1，今場歐霸盃情況都唔樂觀。

博洛尼亞半場旺「窿窿」
另邊廂，意甲球隊博洛尼亞今季聯賽4戰取得2勝2負，但兩場勝仗都係主場，反觀兩場作客同樣以0比1分別不敵羅馬、AC米蘭，造訪英格蘭更加唔敢冒進，應會加強防守希望全身而退。博洛尼亞今季4戰上半場都打和0比0，半場和值博。