[东方报]歐冠：奧脫福以攻代守 曼聯恰新丁半大振聲威[09-10]

曼聯闊別兩季後重返歐聯，首戰主場對歐聯新丁沙巴FC。「紅魔鬼」於卡域克帶領下重上軌道，幾名攻擊手都交到貨，不過後防存在嚴重漏洞，近3戰都失兩球，近6仗半場5次全開2球或以上，遇正進攻大過天嘅沙巴FC，實行以攻代守，一開波就駁火，1.5球半場大玩得過。（Now 638周五凌晨3時直播）

「紅魔鬼」今場贏波機會高唱入雲，主W只得1.05倍可見一斑，不過取勝過程會唔會好順利就係未知之數，淨係睇上場英超對愛華頓，88分鐘領先住都頂唔到尾，最終被逼和2比2，後防穿窿問題顯著，連同熱身賽在內，近6場都唔能夠保持清白之身，最近3仗更加場場失2球。

好彩嘅係曼聯中前場發揮唔錯，麥比奧莫同般奴費南迪斯都有上乘演出同入波，回歸「紅魔鬼」嘅拉舒福特亦喺前線製造唔少麻煩，連班捷文施斯高都開埋齋，如無意外今場曼聯會主導球賽，製造唔少埋門機會，希望好似阿士東維拉咁，喺歐聯重振聲威。

沙巴FC踢法夠進取
阿塞拜疆球隊沙巴FC近年稱霸當地聯賽，並首次打入歐聯正賽。沙巴FC跨季連續14場賽事都取得入球，包括8場歐聯外圍賽，平均每場入2球，球隊射手維積高史米喺呢8場外圍賽入咗6球，當中5球更加係「首名入球」，證明沙巴FC踢法都屬於急先鋒，而且難得喺有「夢劇院」之稱嘅奧脫福踢波，梗係想發番場好夢，攻入曼聯大門，預料今場一開波就鬥攻，半場大好路。