[东方报]世盃歐洲：西班牙食魯捧半場大[11-15]

今晚繼續上演世盃外歐洲區賽事，E組榜首西班牙將會作客格魯吉亞，兩隊實力有明顯距離，「鬥牛兵團」4戰4勝合共轟入15球，火力強大，預料會強攻對手，力爭盡快領先。考慮雙方近5次交鋒有4次上半場總入球開出2球或以上，首選中位數1.5球嘅半場大。（周日凌晨1時開賽）

西班牙領先第2位土耳其3分，雙方將於下周最後一輪賽事交鋒，所以「鬥牛兵團」更要趁今仗喺格魯吉亞身上全取3分，保住爭取小組首名直接出線資格主動權，必定主攻求勝。

雖然西班牙缺少兩位天才翼鋒拉明耶馬同尼高拉斯威廉斯，但隊內進攻猛將如雲，中場米基爾馬連奴變身「入球機器」，今屆世盃外已有6球進帳，前鋒奧耶沙巴爾亦入咗3球。加上費倫托利斯、丹尼爾奧莫亦具備出色射術，要攻破格魯吉亞大門，並唔困難。

格魯吉亞無退路焗攻
至於格魯吉亞落後第2位土耳其6分，數字上仍然有機會奪次名附加賽資格，前提係必須擊敗西班牙，所以格魯吉亞惟有豁出去博奇迹。翼鋒基華拉斯基利亞個人突破能力強，隨時可以「偷雞」入波，但以格魯吉亞防線質素，恐怕抵擋唔住西班牙強攻，1.5球半場大啱數。