[东方报]西甲：海軍鬥水兵雙華細均力敵[12-01]

周二凌晨西甲獨腳戲，華歷簡奴主場硬撼華倫西亞，兩隊都徘徊喺西甲中下游，最大問題係入球能力不足。華歷簡奴守強攻弱，不過今場殘陣出擊，就算對手係攻守都唔掂嘅華倫西亞，亦冇信心可以入到波，博2.5球入球細係最佳選擇。（Now 632周二凌晨4時直播）

華歷簡奴今季要兼顧歐協聯，聯賽成績亦受到影響，頭13輪賽事只係入過12球，場均1球都唔夠。不過佢哋勝在防守唔差，近4主場有3次保持不失，近期亦試過連續兩場聯賽打和0比0。華歷簡奴今場殘陣，主力前鋒柏拉桑同中場柏夫施斯都要停賽，大大削弱球隊爭勝能力，相信都係繼續靠防守搶分。

近年對壘少交收
華倫西亞雖然上輪1比0小勝利雲特，終止聯賽7場不勝頹勢，但要留意球隊今季同樣係聯賽13戰入12球，都係攻力不足，相信今場作客都唔會托大，仍會先鞏固防守，希望至少有1分落袋。事實上，兩隊波近年交鋒都係勢均力敵，對上8次對賽有5次打和，近5次碰頭總入球全開2球或以下。既然兩隊都唔識進攻，開2.5球入球細機會就高唱入雲。