[东方报]英超：戰力超班慣性快攻 巴塞半場大使命必達[12-16]

西班牙盃32強重頭戲，西甲一哥巴塞隆拿作客低組別球隊CD瓜達拉哈拉，今場牌面強弱懸殊，相信入波唔會少；主隊肯定唔夠打，不過要守住唔輸都有難度，其實主要都係睇巴塞點踢，佢哋習慣一開波就駁火施以快攻，近6場作客有5次半場開3球或以上，1.5球半場大有計。（周三凌晨4時開賽）

正當宿敵皇家馬德里諗緊炒唔炒沙比阿朗素，內部「立立亂」之際，巴塞做好自己，近期各項賽事5連勝，搶番上西甲榜首位置，現時領先皇馬4分，所以今場西班牙盃亦唔需要就住嚟踢。

其實巴塞今場對住只喺西丙一排第17嘅CD瓜達拉哈拉，就算唔係夫添出擊，相信都冇太大影響，一樣超班；以巴塞攻力，今場開大比數機會頗高，既然佢哋近期作客上半場多波入，想早啲收錢，半場大係理想選擇。

拉科鬥馬略卡追半和
同晚較早時間有拉科魯尼亞對馬略卡，牌面上當然係西甲嘅馬略卡較強，對西乙嘅拉科贏面高，但馬略卡近期鍾意留前鬥後， 近5場4次開半場和，再追半場和。（周三凌晨2時開賽）

至於另一場伊巴對艾爾切，兩隊近年喺西甲同西乙多次交手，雖然各有勝負，但入波都唔多，近8次對賽7次開2球或以下，揀入球細正路。（周三凌晨2時開賽）