[东方报]非國盃：科特迪瓦半Ｗ攻無不克[12-24]

非國盃F組，科特迪瓦對莫桑比克，上屆冠軍科特迪瓦球星如雲，包括擁有曼聯翼鋒阿密特迪亞路等多位英超兵，整體實力凌駕對手，加上衞冕第一擊，必然希望打響頭炮振奮士氣，預料會採取主攻，先下手為強。翻查資料，科特迪瓦近6場正式賽事有5次上半場領先，一於直取半場主勝。（Now 638周四凌晨1時30分直播）

科特迪瓦過去5屆非國盃有2次奪冠，實力相當強勁，皆因陣中大部分球員都效力歐洲主流聯賽球隊，最為球迷熟悉包括曼聯翼鋒阿密特迪亞路、諾定咸森林中場伊巴謙辛加尼、後衞韋利保利、狼隊中堅艾巴度，當然唔少得曾經踢過AC米蘭及巴塞隆拿嘅中場基斯爾。科特迪瓦前中後三線人腳極之平均，質素甚有保證，有充裕本錢踢進攻足球，加上莫桑比克只係非國盃眾參賽隊伍之中嘅魚腩弱隊，預計科特迪瓦更加可以放膽壓前搶攻，力爭盡快入波領先鎖定勝局，以免夜長夢多。

莫桑比克質庸陪跑
莫桑比克過去曾經5度參加非國盃決賽周，不過全部都喺分組賽出局，名副其實屬於陪跑分子。隊內較有名氣球員已經數到效力新特蘭嘅左後衞雷尼度，其餘大部分隊友能力平庸。莫桑比克早前同安哥拉踢熱身賽，結果法定時間大敗1比4，恐怕無力抵擋科特迪瓦強攻，科特迪瓦半場Ｗ要得過。