[东方报]西甲：訪基羅納誓振聲威 巴塞賀歲開大餐[02-16]

西甲年初一凌晨上演壓軸戰，基羅納主場對巴塞隆拿，巴塞上周中西班牙盃4強首回合慘吞4蛋，遭受奇恥大辱，肯定希望贏番場漂亮勝仗，以勝仗迎接新年，但防線不穩始終係一大隱憂，贏波亦未必可以保持清白之身。考慮到客W太熱冇肉食，加上雙方近5次對賽有4次總入球開4球或以上，最好博中位數3.5球嘅入球大。（Now 632周二凌晨4時直播）

巴塞隆拿上場西盃4強首回合作客以0比4大敗於馬體會腳下，最離譜係上半場已失4球，防線錯漏百出，猶如中門大開，次回合收復失地機會非常渺茫，惟有專注爭奪聯賽錦標。由於皇馬上仗贏波，踢多1場情況下，暫時以2分優勢升上榜首，巴塞為重奪一哥位置，今場更加不容有失，應會主攻求勝。

事實上，巴塞隆拿整體狀態仍然不俗，近13場聯賽贏12場，拉明耶馬、羅拔利雲度夫斯基等中前球員都具備優秀入波能力，即使翼鋒拉舒福特受傷缺陣，但另一位鋒線猛將拉芬夏比洛尼已傷愈有望復出，攻力有保證，要攻入基羅納大門，並唔困難。

基羅納無懼鬥攻
至於基羅納近6場聯賽取得3勝2和1負，包括擊敗巴塞同市「細佬」愛斯賓奴，並且聯賽首循環作客巴塞隆拿，踢到補時失波，僅以1比2落敗，可見呢支「神奇球隊」並唔嘢小。再睇埋雙方近5次交鋒，基羅納都有波入，其中兩次同樣以4比2擊敗巴塞隆拿，遇上呢支傳統班霸，表現特別醒神，隨時又鬥攻合演入球騷。