[东方报]歐協：貝迪斯弗爆受讓抵玩[05-08]

歐協聯4強次回合大戰，意甲球隊費倫天拿迎戰西甲貝迪斯。首回合貝迪斯領先2比1，今仗作客唔輸就得，有權大踢最擅長嘅穩守突擊，而且佢哋近期狀態巔峰，有力保住勝果闖入決賽，受讓必捧讓球客勝（+1）。（周五凌晨3時開賽）

貝迪斯自1月份借用安東尼馬菲奧斯後，成隊表現提升一個層次，佢同艾斯高、盧施素等高質球星合作無間，安東尼亦肩負起領軍大旗，近4場賽事入3球，係貝迪斯近期4連勝嘅最大原因。事實上，貝迪斯本身實力唔差，喺安東尼加入後再成功爆發，佢哋喺各項賽事近15場比賽只係輸過1場，教練比歷連尼經驗老到，用穩守突擊有力克制非勝不可嘅主隊。

費倫跌Watt連輸2場
費倫天拿近期連輸2場，雖然佢哋近9場歐協聯主場不敗，但對手大部分都係二、三線球隊，而且法定時間只有5勝4和成績，見唔到有太大嘅霸氣，想贏貝迪斯有難度，讓球客勝（+1）更抵玩。