[东方报]歐國聯：4強生死決一觸即發 德國葡萄牙大火併[06-03]

歐國聯4強大戰，德國率先火併葡萄牙，今屆賽事在德國舉行，「日耳曼兵團」佔有主場之利，爭標鬥心一定強，預料會採取主攻戰術。葡萄牙擁有多位歐聯冠軍巴黎聖日耳門(PSG)主力助陣，士氣及狀態高昂，無懼同德國駁火。加上雙方近6次對賽有5次總入球開出3球或以上，首選中位數2.5球嘅入球大。（周四凌晨3時開賽）

德國今次人腳唔算強，2位進攻主力夏維斯、穆斯亞拿並冇入選，但仍然有近期獲各大豪門爭奪嘅中場科利安華迪斯，配合拜仁慕尼黑雙翼利萊辛尼、基拿比，入球能力仍有保證。由於德國近年國際賽成績欠佳，特別渴望捧盃省靚金漆招牌，尤其是有地利優勢，表現肯定更加進取。事實上，德國近4次歐國聯主場出擊，取得3勝1和，合共入16球，火力強大。

不過，德國防線有隱憂，中堅魯迪格因傷落選，門將紐亞退出國家隊後，主要由巴塞隆拿門將達史特根把關，但佢今季曾重傷長抖半年，上月復出後僅為巴塞上陣2次，若然由佢踢正選，穩定性難免令人擔憂。

C朗擔大旗隊友個個弗
至於葡萄牙鋒線繼續以C朗擔大旗，雖然呢位40歲老將近年踢國際大賽表現欠佳，但勝在隊友質素高，特別係PSG球員域天拿、祖奧尼維斯、紐奴文迪斯狀態處於巔峰，加上般奴費南迪斯、貝拿度施華，葡萄牙整體實力比德國，有過之而無不及。值得一提，葡萄牙曾於2019年捧盃，成為首屆歐國聯冠軍，踢呢項賽事演出醒神，雙方為爭入決賽，預料有激鬥，以兩隊主攻風格，入球大值博。