[东方报]歐冠：迪比利打柴吼PSG半細[09-17]

至於上屆盟主巴黎聖日耳門（PSG），衞冕第一擊喺主場迎戰意甲球隊阿特蘭大。PSG雖然開季連場報捷，但王牌奧士文尼迪比利因傷倦勤，對進攻影響甚大，阿特蘭大於歐洲賽對親法甲球隊，初段零舍保守，寧捧1.5球半場細。（Now 643周四凌晨3時直播）

PSG開咧後順風順水，先憑互射12碼擊敗熱刺奪歐超盃，之後聯賽4連勝，但以佢哋嘅人腳喺法甲打橫行，就算有部分主力缺陣都冇乜影響。不過來到歐聯就唔同講法，PSG上屆能橫掃一眾英超球隊，並於決賽豪派國際米蘭5蛋首度奪冠，王牌前鋒奧士文尼迪比利非常關鍵，其「假9」角色左穿右插，助攻入波瓣瓣有，完全激活整條進攻線，可惜呢位法國國腳於早前世盃外受傷，今仗肯定缺陣，令進攻大打折扣。

阿特蘭大對法甲兵先求穩
另邊廂，阿特蘭大今季進入「後加斯柏連尼時代」，戰術上不再像以往加帥嗰種有前冇後、打死罷就，新帥祖歷執教風格完全唔同，雖然頭3輪聯賽入咗6粒，但有4球係來自上仗對弱旅萊切，射手盧卡文仍然有傷在身，難免令火力下滑。而且佢哋近5次歐洲賽對住法甲球隊，有4次半場開1球或以下，何況今仗要造訪衞冕嘅PSG，初段必定先求穩陣，1.5球半場細捧得過。