[东方报]歐冠：紅軍火力不足裝兇作細[09-17]

今晚歐聯強強對壘仲有利物浦火併馬德里體育會。「紅軍」英超開季雖然4連勝，但坦白講表現未如預期中好，連續4戰都要至尾段先奠勝，其中上場對般尼就如老鼠拉龜，對住防守力更強嘅「床單兵團」更難入波，加上雙方近8場歐洲賽交手7次開2球或以下，利物浦就算贏都係小勝，首選中位數2.5球入球細。（Now 638周四凌晨3時直播）

利物浦上季歐聯已經顯示頂級實力，今季重金擴軍後，歐聯更係佢哋主要目標，不過身價高昂嘅域斯仲未開齋，阿歷山大伊沙克亦缺態，想入波仲要等等。值得留意，利物浦早前面對同級對手阿仙奴，只能小勝1比0，上場聯賽對住防守硬淨嘅般尼，尾段仲要對方有球員被逐，都要踢到補時先靠12碼贏1比0，可見「紅軍」就算有足夠統治力，但要入波都唔係咁易。

艾華利斯缺陣馬體會焗守
馬德里體育會開季演出失準，西甲頭3輪2和1負，直至上場2比0擊敗維拉利爾先打開勝利之門；經過季初階段磨鍊，狀態可望漸入佳境，不過祖利安艾華利斯受傷缺陣令攻力大減，今場作客晏菲路球場相信馬體會將化身「強化版般尼」，實行守足90分鐘，2.5球入球細放心捧。