[东方报]英超：紐奴第一擊要省靚招牌 錘仔大盤愛得過[09-29]

今晚英超上演獨腳戲，愛華頓主場鬥韋斯咸。兩隊近況同樣麻麻，急於求勝重振士氣，肯定搏甩髀。韋斯咸有新帥紐奴首度領軍，自然要省靚個招牌，作客照同「拖肥糖」駁火，2.5球入球大有計。（Now 621周二凌晨3時直播）

「拖肥」主場必搶攻
愛華頓今季引入基亞利殊及迪比寧等攻擊好手，踢法變得更進取，季初頭幾場演出唔曳，可惜近3場賽事錄得1和2負，今晚主場出擊不容再失，希望趁對手勢頹全力搶攻，但中堅班夫韋迪仍然養傷當中，「拖肥糖」顧得攻嚟防線難免空虛，想保持不失並唔容易。

韋斯咸開季5場輸足4場，再咁落去隨時捲入降班漩渦，管理層見勢色唔對，日前終於怒炒主帥樸達，並搵嚟紐奴接手。呢位葡藉主帥以往帶狼隊、熱刺同森林，英超經驗豐富之餘亦非常重視進攻，查洛保雲、盧卡斯柏基達及富克洛等射手有望翻生。事實上「錘仔幫」踢法同樣大開大合，近8場總入球全開3球或以上，2.5球大盤屬心水之選。