[东方报]世界盃：魔翼耶馬追擊沙特 西班牙細打翻身仗[06-21]

H組出線熱門西班牙喺首戰失分之後，第2場會鬥沙特阿拉伯。全世界一面倒看好「鬥牛兵」可贏波，亦預料今仗係攻防戰，不過主Ｗ賠率熱到癲，讓波又讓得辣；睇番西班牙近5次世盃對亞洲兵，法定時間全開3球或以下，倒不如轉玩3.5球入球細。（Now 618及616周一凌晨零時直播）

目前H組4支球隊同得1分，由於今屆世盃分組賽同分唔係先計得失球，而係計對賽成績，嚟緊兩輪分組賽真係乜都可以發生，西班牙避免提早出局，今場目標相當清晰，一定係全取3分順便提振士氣。

綠色戰隼退守減損失
「鬥牛兵」上場明顯留力，「魔翼」拉明耶馬先擺後備，遇正上晒身嘅佛得角門將禾仙夏，射極都唔入。不過拉明耶馬自4月受傷，上場先至首度落場踢，輕舒腳頭下已經令成支西班牙生晒，今場肯定會正選上陣搏殺，贏波唔成問題，但相信主帥富安迪都應該會叫佢留住踢，贏波就夠，唔使大炒。

另一邊廂，「綠色戰隼」沙特阿拉伯首戰同烏拉圭打和1比1，保持良好出線機會，今場會縮後應付「鬥牛兵」博1分，但就算不似預期輸波收場，都唔好輸咁多粒，到最後一輪鬥佛得角就可拚盡爭出線，到時爭最佳小組第3名，計得失球都着數啲！事實上，亞洲球隊對住西班牙大多踢守勢波，「鬥牛兵」近5次世盃對亞洲兵，法定時間全開3球或以下，推介3.5球入球細。