[东方报]英超：車仔迎般茅搶分大過天[12-30]

另一倫敦豪門車路士今晚英超主場迎戰般尼茅夫。車仔連續兩場失分後，已經跌出前4，爭奪下屆歐聯入場券形勢告急，今場搶分決心肯定爆棚，加上領隊馬利斯卡坐完波監可親自督師，應會擺大個頭狂攻；「般茅」防線脆弱，近7場聯賽作客總入球全開4球或以上，車仔主Ｗ回報偏低，轉博3.5球入球大。（Now 623周三凌晨3時30分直播）

馬利斯卡復出有利部署
「藍戰士」繼打和紐卡素2比2後，上場領先下以1比2不敵阿士東維拉。其實佢哋嗰場表現唔曳，半場一度圍攻對手，輸波其中一個原因係主帥馬利斯卡停賽，影響臨場調動部署。好彩呢位意大利名帥今晚可以復出，有利球隊發揮，加上前鋒祖奧柏度已重拾射門鞋，連續兩場搵到入波，中場高爾彭馬狀態亦有改善，要攻破「般茅」大門並唔困難。

般尼茅夫近況認真麻麻，已經9場聯賽不勝，逐漸受到降班威脅，同樣急需搶分，並冇退縮空間。事實上佢哋作客踢法相當開放，經常同對手鬥攻，包括早前造訪奧脫福球場，同曼聯激和4比4，上仗則以1比4大敗於賓福特腳下，可以話係「神經刀」，隨時同主隊合演入球騷。