[东方报]歐霸：同森林鬥攻布拉加半大要捧[01-22]

另一支英超兵諾定咸森林，歐霸就會作客葡萄牙布拉加。布拉加近年喺歐洲賽鬥親英超兵都大手交易，加上今場兩軍都要搶分博前8，相信都會積極進攻，布拉加主場好進取，近7次主場出擊，有5次半場開2球或以上，今場博1.5球半場大。（Now 643周五凌晨4時直播）

論近況其實兩隊都有啲曳，布拉加踏入2026年，踢到第3場先搵到第1場勝仗，而且對手仲只喺葡超尾二嘅唐迪拉，不過從另一角度睇，呢3場全部都係作客，今場歐霸返主場出擊，信心都會大啲。

有主場fans踢得更進取
事實上布拉加今季主場成績唔曳，所有賽事近7次主場，獲5勝1和1負，主要係因為球隊喺球迷面前好肯攻，呢7場有5次半場開2球或以上，而且布拉加一向唔怕同英超兵鬥攻，過去6次歐洲賽鬥李斯特城、狼隊同曼聯等，有5次開4球或以上。

諾定咸森林近7場只得1勝，確係令人擔心球隊今場作客成績，不過佢哋啱啱英超同阿仙奴踢成0比0，打起咗球隊信心。其實森林喺歐霸表現唔錯，現時排11，同前8只係2分差距，加上佢哋去年10月歐霸聯賽階段，曾經以2比0擊敗葡超班霸波圖，今場鬥另一支葡超球隊，亦有信心搶分，相信呢場唔會係悶戰，一開波就會鬥攻，半場大玩得過。