[东方报]意甲：摩斯堅恩碧高尼個個弗 費食比皆大歡喜[02-23]

意甲護級大戰，費倫天拿主場對比薩SC，論整體成績及近況，「紫百合」費倫天拿都勝一籌，應會把握機會採取主攻，力爭全取3分。不過，比薩SC攻力不俗，甚至能夠作客入到榜首國際米蘭2球，近11場聯賽作客有8次總入球開4球或以上，首選中位數2.5球嘅入球大。（Now 638周二凌晨1時30分直播）

排尾三嘅費倫天拿繼上輪聯賽爆冷擊敗科木之後，上場歐協聯大勝積基朗尼亞3比0，狀態穩步上升，加上同護級線之上嘅萊切、熱拿亞、克雷莫納積分接近，仍然有望反超前「上岸」，肯定搏盡爭勝。費倫天拿鋒線人腳不俗，摩斯堅恩、羅拔圖碧高尼都係意大利國腳，尤其係摩斯堅恩近2場聯賽都有波入，比薩ＳＣ防線脆弱，難以招架得住佢。

比薩遇強唔會縮
至於比薩ＳＣ少費倫天拿6分，深陷降班危機，已經別無選擇，惟有豁出去一搏，盡力搶得1分得1分，即使作客遇上強隊，一樣冇退縮，包括僅以2比3不敵拿玻里，逼和ＡＣ米蘭2比2，上月鬥國際米蘭，上半場都入到2球，令人大感驚喜，就算最終大敗2比6，都贏得掌聲。以比薩ＳＣ有前冇後踢法，好大機會同費倫天拿合演入球騷。