[东方报]世界盃：不敗齊晉級最識玩 加拿大瑞士歎細界[06-24]

世盃B組最後一輪賽事，出線形勢相對明朗，東道主之一嘅加拿大迎戰瑞士，兩隊目前2輪同樣有1勝1和拎到4分，今場只要保持不敗就肯定出線，喺確保晉級呢個大前提下，預計雙方踢法都會偏向穩陣，開2.5球入球細機會高。（Now 618及616周四凌晨3時直播）

加拿大今屆世盃演出一鳴驚人，上場更大勝卡塔爾6球，拎到歷史性世盃決賽周勝果，不過呢場大勝，好大程度係因為卡塔爾防守太差，兼且有2人被逐而造成。加拿大本來鋒力唔算特別強，尤其面對組織嚴密嘅歐洲球隊，入球能力一般，首輪對波斯尼亞就打和1比1。

勒住踢畀班兵抖吓
形勢上，加拿大今場只要唔輸就可以歷史性出線，仲可以確保小組首名晉級，領隊馬殊當然識得計數，唔會要班主力搏到殘，尤其佢哋已經有主將伊斯馬爾干尼重傷，艾方素戴維斯亦受傷患纏擾，今場好可能會勒住踢。加拿大近5仗有4次總入球開2球或以下，今場都係踢穩陣波居多。

瑞士向來防守緊密，世盃外6場比賽只係失過2球，防守能力令人放心，不過一對前鋒丹尼杜耶同比列安保路今屆腳風唔順，經常浪費機會；今場面對加拿大強勁主場聲勢，先求穩守屬人之常情，2.5球入球細更值得捧場。