[东方报]歐冠：豪門龍虎鬥爆發 國米未回氣頂唔住皇馬[09-08]

歐聯周三凌晨開鑼，首日重頭戲，由皇家馬德里主場對國際米蘭，上演豪門龍虎鬥！「銀河艦隊」今季有功勳主帥「寸王」摩連奴回歸，上場聯賽意外輸畀貝迪斯，谷住道氣，佢哋近4次歐聯對國米全勝，今仗不勝無歸；國米整體實力不及「艦隊」，而且上仗剛在意甲同拿玻里激戰一場，未及回氣又要作客皇馬，落敗屬意料中事，「艦隊」讓一球照撐上盤（Now 638周三凌晨3時直播）

皇馬開季錄得3勝1負，基利安麥巴比、雲尼斯奧斯祖利亞、祖迪比寧咸等猛將連場數胡，上場不敵貝迪斯純屬意外，該仗佢哋製造多次必入機會，可惜全部錯失，「麥總」更喺補時12碼「宴客」，最終搞到輸波；而且歐聯開鑼前夕，各地主流聯賽出現唔少冷門，例如巴黎聖日耳門同樣倒灶輸波，拜仁慕尼黑亦意外和波失分，因此「艦隊」今輪輸波毋須刻意放大，嚟緊歐聯第一擊兼主場之利，皇馬仍然有全面取勝機會。

藍黑軍防線磨合需時
「藍黑軍」國米對上4季有兩次打入決賽，但都失落冠軍，上季喺淘汰圈附加賽已告出局，今季佢哋防線「英超化」，簽入史東斯、居迪斯鍾斯、迪積史賓斯同文路爾艾簡治，陣容變動頗大需時磨合，能否頂住麥巴比、雲尼斯奧斯同比寧咸呢條皇馬豪華鋒線，實在難講。

況且，國米喺意甲同拿玻里激戰，喺先失兩球下戰至補時奇迹反勝3比2，球員耗力甚巨，今仗匆匆作客極度不利；今戰雙方都係主攻球隊，推介皇馬上盤之餘，同場過關「兩隊均取得入球&皇家馬德里勝&基利安麥巴比任何時間入球」亦可兼顧。